Mga tinugyanan sa buhatan ni Mayor Ipe Remollo ang mangulo sa pagpang apod-apod sa tag 20 kilos nga bugas kada panimalay uban sa mga opisyales sa TABUC-TUBIG ugmang adlawa (Miyerkules) dinha sa Barangay Hall.
Subling gipalanog ni Mayor Remollo nga kining ayuda nga tag 20 kilos nga bugas kada panimalay isip tabang karung panahon sa krisis tungod sa COVID-19.
Matud ni Mayor Ipe Remollo kada panimalay nga apil sa masterlist nga hinatag gikan sa barangay adunay gitagana nga tag 20 kilos nga bugas.
Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas.
Kini ang ika-unom (6) hugna nga ayudang bugas gikan sa kagamhanang siyudad para sa mga lupyo sa Dumaguete tungod sa pandemya sa COVID-19.