Nagpadala gilayon ug tabang si Mayor Ipe Remollo sa mga biktima sa sunog dinha sa Barangay Looc ganinang buntag nga karun kasamtangang nagpasilong sa kapilya sa barangay.
Matud ni City Social Welfare and Development Officer Lilibeth Filipinas adunay 60 ka tawo ang naapektohan human naugdaw ang 11 ka panimalay samtang gapadayun ang imbestigasyon sa hinungdan sa insidente.
Gipatagaan ni Mayor Ipe Remollo ug pagkaon, tambal, bitamina ug ubang relief goods ang mga biktima sa sunog ug gimanduan ang mga hingtungdan nga opisyales nga sugdan pagproseso ang ayudang pinansiyal sa mga apektado nga pamilya.
Samtang nagpasalamat usab ang kagamhanang siyudad sa mga organisasyon sama sa Adventist Community Service ug mga indibidwal nga midonar ug mga sapot ug pagkaon sa mga biktima.