Gikompirma ni Mayor Ipe Remollo nga dugang 4, 600 ka vials nga Sinovac ang gipadala sa DOH-Manila para sa siyudad sa Dumaguete nga niabot karung adlawa dinha sa airport.
Matud ni City Health Officer Dr. Maria Sarah B. Talla nga ang bag-ong abot nga mga bakuna batok COVID-19 magamit gilayon sa mga katawhan nga giserbisyuan sa 3 ka mga vaccination centers ning siyudad dinha sa Robinson Place Dumaguete, Foundation University Gymnasium ug Pulantubig Gymnasium.
Dul-an 60% na sa target population ning siyudad ang nabakunahan na kontra COVID-19. Ug laraw ni Mayor Remollo mas daghang residente ang mabakunahan para hinay-hinay mabalik na ang mga aktibidades ug pagbukas sa mga negosyo para molambo ang lokal nga ekonomiya.