Mga lupyo sa Barangay Batinguel ang nakadawat na sa ayudang bugas nga tag 10 kilos kada panimalay nga giapod-apod sa mga tinugyanan sa buhatan ni Mayor Ipe Remollo niadtong Sabado og Domingo dinha sa ilang covered court.
Matud ni Mayor Ipe Remollo laing tag 20 kilos nga bugas kada panimalay ang ihatag atol karung pasko sa Disyembre diin ang 32, 000 ka tagbalay sa 30 ka barangay ang maka benepisyo isip tabang karung panahon sa krisis tungod sa COVID-19.
Gasugod na ang public bidding para inig kahuman na ang dugang bugas og masugdan na ang pag apod-apod niini sa mga barangay nga maka kompleto na sa mga papeles.