Nagpasalamat kang Mayor Ipe Remollo ang mga biktima sa sunog dinha sa Purok Narra Barangay Cadawinonan human nadawat nila ang tabang pinansiyal gikan sa kagamhanang siyudad karung adlawa dinha sa City Treasurer’s Office.
Ang mga representante sa pito ka pamilya nga apektado sa sunog kini giubanan sa mga tinugyanan sa buhatan ni Mayor Remollo ug City Social Welfare and Development Office para mahatagan sila sa dugang nga ayuda.
Basi sa ihap sa mga city social workers adunay pito ka pamilya nga apektado sa sunog diin 6 ka nila ang balay totally damaged ug gihatag ug ta P 10, 000 samtang ang usa nga partially damaged balay nakadawat ug P 5, 000.
Kahinumduman nga human sa sunog nagpadala gilayon og ayuda si Mayor Ipe Remollo pinaagi sa CSWDO uban sa mga opisyales sa Barangay Cadawinonan pinangulohan ni Kapitan Jimmy Tabada lakip sa mga pagkaon, grocery, gatas, diapers ug uban pang panihanglanon samtang sila nagpasilong sa elementary school.
Mapasalamaton usab ang mga biktima sa mga opisyales ug mga pribadong indibidwal nga nagpadala usab ug lain laing klaseng ayuda para matabangan sila taliwala sa trahedya ug pagsulay sa ilang kinabuhi.