Gimanduan ni Mayor Ipe Remollo ang City DSWD nga sugdan na ang pagproseso sa ayudang pinansiyal alang sa mga biktima sa sunog dinha sa Barangay Cadawinonan niadtong Domingo isip dugang tabang nila.
Niadtong Domingo atol sa sunog nagpadala gilayon og ayuda si Mayor Ipe Remollo pinaagi sa CSWDO uban sa mga opisyales sa Barangay Cadawinonan pinangulohan ni Kapitan Jimmy Tabada sama sa mga pagkaon, grocery, gatas, diapers ug uban pang panihanglanon samtang sila nagpasilong sa elementary school.
Basi sa ihap sa mga city social workers adunay pito ka pamilya nga apektado sa sunog diin 6 ka nila ang balay totally damaged ug makadawat sa ayuda nga P 10, 000 samtang ang usa nga partially damaged balay makadawat ug P 5, 000.
Aduna usab mga pribadong indibidwal nga nidonar ug mga relief goods para sa mga biktima.
Niadtong adlaw Lunes, gihatdan usab ang biktima ug dugang mga food ug non-food items gikan sa kagamhanang siyudad pinaagi sa City Social Welfare Development Office.
Mapasalamaton kita sa tanan nga mga indibidual nga nidonar para sa mga biktima ug sa mga staff ug opisyales sa barangay, Barangay Nutrition Workers og Barangay Health Workers nga nag atiman sa mga nasunogan.
(Photos by Barangay Secretary Adok Jr. Zerna)