Mga health workers pinangulohan ni City Health Officer Ma. Sarah B. Talla nipahigayon sa regular nga medical mission para sa mga lupyo dinha sa Barangay Mangnao kontra COVID-19 niadtong Sabado
Kining house-to-house nga medical mission gipahigayon isip pagsanong sa direktiba ni Mayor Ipe Remollo nga duawon ang mga panimalay para mahatagan ug serbisyong medikal ang mga lupyo, ma inspekyon ang kabalayan ug tudloan ang mga lupyo kung unsaon nga maprotektahan sila batok COVID-19.
Subling gitataw nga kanunay maghinlo ang mga lupyo sa ilang balay ug palibot kontra kagaw; kanunay maghugas ug kamot ug mogamit ug face masks.
Dugang pa ni Dr. Talla ang house-to-house medical mission nagdala ug libreng tambal, bitamina, face masks ug konsultasyon para sa nanihanglan ilabi na kadtong adunay mga gihambin nga balatian o sakit nga wala namatyagan o gidala sa tambalanan.