Kung adunay reklamo kabahin sa gi apod-apod nga bugas dinha sa mga barangay, tambag ni Mayor Ipe Remollo nga mas maayo kini ipadangat sa mga awtoridad sa barangay para mapailisan sa supplier.
Kahibaloan nga ang supplier sa bugas nisalmot kini sa public bidding para sa 32 mil ka sako nga tag 10 kilos nga bugas diin siya ang pinakabarato basi sa subasta ug adunay igong supply sa bugas.
Dugang pa ni Mayor Remollo nga laing 32, 000 ka tag 20 kilos nga bugas kada panimalay ang iapod-apod karung bulan sa Disyembre. Sugdan na unya pagsubasta niini sa City Bids and Awards Committee. (By Choy Gallarde)