Human sa mga negosasyon ni Mayor Ipe Remollo para makuha ang pagtugot sa mga tag-iya sa luna, nabuksan na ang Batinguel-Camanjac parte sa Metro Dumaguete Diversion Road para mapadayun ang pagpabantok ug pagpasemento niini.
Matud ni Mayor Ipe Remollo kining Metro Dumaguete Diversion Road nagsumpay sa Magatas Sibulan padulong ngadto Barangay Camanjac lapos sa Barangay Candau-ay luyo sa Vida Royal sumpayan sa taytayan sa Banica padulong Cadawinonan, Junob, Cantil-e, Bajumpandan ug Bacong-Valencia Road dinha sa Isugan Bacong.
Ang Metro Dumaguete Diversion Road usa ka prayoridad nga proyekto para mosumpay sa Sibulan-Dumaguete-Valencia-Bacong isip alternatibo nga dalan para momenus ang trapiko sa Central Business District, mas paspas ug hapsay nga biyahe ug makahatag kalamboan sa mga barangay nga maagian niining dakong nga proyekto.