Padayun ang pagtimbayayong sa mga Health Marshals ug mga opisyales sa barangay para ipatuman ang mga protocols para mapakgang ang pagkuyanap sa COVID-19 ilabi na sa mas delikado nga Delta variant.
Ang probinsya sa Negros Oriental ug dakbayan sa Dumaguete gipaubos sa Alert Level 4 Community Quarantine diin gidili ang mga kabataan gapangidaron ug dise otso (18) anyos pamaba ug mga 65-anyos pataas nga maglaroy-laroy sa gawas ilang mga panimalay.
Mas gihugtan usab ang pagpatuman sa pagamit ug face masks, pagdili sa panagtapok sa katawhan lakip na ang pagbutang ug mga temperature check, alcohol ug makanunayong pagdisinfect sa mga balay patigayon ug mga tindahan.
Si retired Police General Rey Lyndon Lawas ang nangulo sa mga Health Marshals uban ni Calindagan Punong Barangay Maisa Sagabarria sa pagronda para mapatuman ang mga lagda batok COVID-19.