Kung walay dagkong kakulian, paningkamotan nga matapos karung tuiga and dako nga Evacuation Center nga gitukod karun dinha sa Barangay Talay para kini magamit sa mga lupyo ning siyudad nga kapasilongan panahon kung naay katalagman.
Nanghinaot si Mayor Ipe Remollo nga mahuman gilayon ang evacuation center nga kayang puy-an ug gatosan ka mga pamilya nga mobakwit para luwas sila sa kadaot atol kung adunay sunog o kaha baha.
Kining evacuation center mokostar ug P 36 million (gikan sa DPWH Region 7) aduna kini 106 ka mga cubicles, mga banyo, halapad nga kusina ug kalan-an, lawak para sa mga managtiayon, dulaanan sa mga bata, lawak para ampoan, mga buhatan, parking area ug kaugalingong Materials Recovery Facility (MRF).