Gihatdan karung adlawa sa mga tinugyanan sa buhatan ni Mayor Ipe Remollo ug ayudang bugas gikan sa kagamhanang siyudad ang mga tagbalay dinha sa Barangay TALAY uban sa mga opsiyales sa barangay.
Samtang ugma, adlaw nga Miyerkules, mga residente na usab sa Barangay CALINDAGAN ang takdang modawat sa tag 10 kilos nga ayudang bugas kada panimalay.
Matud ni Mayor Ipe Remollo kining paghatag ug tag 10 kilos nga bugas gikan sa kagamhanang siyudad tabang karung panahon sa krisis tungod sa COVID-19.
Mga opisyales sa Barangay Calindagan gipangulohan ni Kapitan Maisa Sagarbarria ang motabang ugma para masiguro nga hapsya ug luwas ang pag-apod apod sa ayudang bugas.