Human gipasemento ang dalan ug gisirado ang dumpsite, plano usab ni Mayor Ipe Remollo nga tukuran ug usa ka konkretong taytayan dinha sa Banica nga magsumpay sa Candau-ay ug Balugo para mas luwas ang mga lupyo ug motorista ilabi na kung adunay baha.
Giaprobahan niadtong Biernes sa City Development Council ang pondo nga mobalor ug P 43.9 milyones sunod tuig 2022 para matuman ang laraw ni Mayor Ipe Remollo nga ilisdan na ang karaan nga spillway dinha sa nasirado nga dumpsite sa ug usa ka konkreto ug habog nga taytayan nga dili na malapawan kung dako ang tubig.
Apil usab sa proyekto ang pagbutang ug mga suga nga magkutay sa taytayan para hayag ug luwas kini sa disgrasya o krimen.
Bag-o lang nahuman karung tuiga ang duha ka taytayan nga gasumpay sa Batinguel-Bagacay duol sa BIR ug laing taytayan gasumpay sa Taclobo-Bagacay diin mas luwas na ang mga lupyo daplin sa Banica ug hamugaway na ang pagbiyahe sa mga motorista ug namenusan ang gibug-aton sa trapiko sa siyudad.