Mga tagbalay sa Barangay Pulantubig ang nakadawat sa ayudang bugas gikan sa kagamhanang siyudad gahapong adlawa (Domingo) samtang mga tinugyanan sa buhatan ni Mayor Ipe Remollo ang nihatod sa ayuda ngadto sa Barangay Bajumpandan karung adlawa, Lunes, dinha sa Basketball Covered Court (dool sa Camella Homes)
Gipasabot ni Mayor Remollo nga kining ayuda nga tag 10 kilos nga bugas kada panimalay gikan sa kagamhanang siyudad tabang karung panahon sa krisis tungod sa COVID-19.
Nitabang usab ang mga miyembro sa Tau Gamma Phi – Triskelion Grand Fraternity Pulantubig Chapter para mas hapsay ang pag apod apod sa ayuda sa mga residente gahapong adlawa.
Gi-awhag ang mga residente sa ubang mga barangay nga maghulat sa tukmang pahibalo gikan sa ilang mga opisyales kung kanus-a ang tukmang petsa sa pagpanghatag sa ayudang bugas.