Gipahigayon karung adlawa sa NORSU Gymnasium ang pakigpulong ni Mayor Ipe Remollo sa mga opisyales sa Senior Citizens Associations sa nagkalain-laing kabarangayan ning siyudad para matuki ang mga proyekto ug mga batakang serbisyo nga gipatuman karun sa iyang administrasyon.
Lakip sa nahisgotan mao ang mga benepisyo ug ayuda nga gihatag para sa katawhan ilabi na sa mga senior citizens sama sa medical assistance (laboratory, maintenance drugs, chemotherapy, dialysis, etc.); Hospitalization Refund to NOPH and Holy Child Hospital; Burial assistance to include casket, embalming and transportation; Mortuary assistance for deceased senior citizens; Financial Assistance for victims of calamities; Rice subsidy kada panimalay; Refund for RT-PCR tests for returning residents; Financial Assistance ug food packs for COVID-19 patients ug Scholarship for college students nga tag P 12, 000 kada tuig.
Gipahibalo usab ni Mayor Ipe Remollo ang mga nag-unang proyekto nga gipatuman sa iyang pamunoan lakip ang pagtukod sa:
1. Duha ka konkretong taytayan dinha sa Colon ug dool sa BIR
2. Vocational School dinha sa Batinguel
3. Central Materials Recovery Facility diin ang Pyrolysis machine ipahimutang human gisirado ang Candau-ay dumpsite niadtong Marso 2021
4. Pagcompleto sa Metro Dumaguete Diversion Road
5. People’s Park dinha sa Pantawan 2
6. Housing Porject para sa mga biktima sa Sendong dinha sa Banilad (andam na ang luna)
6. Setbacks ug pag-alad sa mga pampublikong eskwelahan
7. City Evacuation Center diin ibutang opisina sa Senior Citizens
8. Satellite Market ug South Bus Terminal dinha sa Bajumpandan
9. Shoreline Protection para sa Poblacion 1 (Tinago)
Gipanglantaw usab nga kung mahinayon ang katukoran sa 174-hectare Smart City Project makahatag kini ug dugang nga pondo sa local nga kagamhanan para mopatuman pa ug dugang proyekto ug mga benepisyo alang sa tanan.
Ang Smart City Project kini usab makahatag ug kahigayonan nga makatrabaho ang mas daghang lupyo ning siyudad ug sa probinsiya para mas malambo ang panginabuhian sa katawhan.
Sigurohon sa mga tigpatuman sa Smart City Project nga malikayan ang dakong kadaot sa kalikopan ug mahatagan ug dugang oportunidad ang mga mangingisda ug ang ilang mga anak para moasenso ang ilang kahimtang.
Apil sa nitambong sa pulong-pulong karung adlawa sila Bise-Mayor Karissa Tolentino-Maxino, Konsehal Michael Bandal, Konsehal Lilani Ramon, Konsehal Edgar Lentorio Jr., Konsehal Manuel Patrimonio ug Executive Assistant for Security Concerns retired General Rey Lyndon Lawas.