Mga tagbalay sa Barangay Looc ang nakadawat sa ayudang bugas gikan sa kagamhanang siyudad karung adlawa samtang mga tinugyanan sa buhatan ni Mayor Ipe Remollo ang mohatod sa ayuda ngadto sa Poblacion (Tinago) ugmang adlawa, Martes, nga tag 10 kilos nga bugas kada panimalay.
Matud ni Mayor Remollo nga kining ayuda gikan sa kagamhanang siyudad tabang karung panahon sa krisis tungod sa COVID-19.
Gi-awhag ang mga residente sa ubang mga barangay nga maghulat sa tukmang pahibalo gikan sa ilang mga opisyales kung kanus-a ang tukmang petsa sa pagpanghatag sa ayudang bugas.