Gahapong adlawa (Miyerkules) ang mga residente sa BARANGAY CANDAU-AY ang gihatdan sa ayudang bugas sa mga empleyado sa buhatan ni Mayor Ipe Remollo nga tag 10 kilos kada panimalay.
Ang mga opsiyales sa barangay gipangulohan ni Kapitan Gregorio Oira ang nitabang sa pag-apod-apod sa ayudang bugas nga gikan sa kagamhanang siyudad sa Dumaguete.
Matud ni Mayor Remollo kining ika-lima nga hugna sa paghatag ug ayudang bugas tabang karung panahon sa krisis tungod sa COVID-19.
Samtang dugang pulo ka barangay ang takdang hatdan sa ayudang bugas sunod semana ug kung unsang mga barangaya kini ipahibalo ogmang adlawa.