Mga lupyo sa Barangay CANDAU-AY ang hatdan ug ayudang bugas sa mga tinugyanan sa buhatan ni Mayor Ipe Remollo ugmang adlawa, Miyerkules.
Ang mga opisyales sa maong barangay ubos sa pamunoan ni Kapitan Gregorio Oira ang motabang para hapsay ug luwas ang pag apod-apod sa ayuda.
Gipasabot ni Mayor Remollo kining paghatag sa tag 10 kilos nga bugas kada panimalay gikan sa kagamhanang siyudad tabang karung panahon sa krisis tungod sa COVID-19.
Samtang mga lupyo sa POBLACION 8 mapasalamaton sa siyudad uban ni Kapitan Maelyne Mariano kay nadawat na nila ang ayuda karung adlawa.
Kini ang ika-limang hugna sa ayudang bugas nga gihatag sa kagamhanang siyudad sa mga residente sa 30 ka barangay ug ipahibalo ra unya kung unsang mga barangay and sunod nga hatdan sa hinabang.