Takdang modawat sa hinabang nga tag 10 kilos nga bugas gikan sa kagamhanang siyudad ang matag panimalay sa POBLACION 6 ugmang adlawa (Huebes) og POBLACION 3 karung Biernes.
Matod ni Mayor Ipe Remollo kining ayuda nga bugas gikan sa kagamhanang siyudad alang sa mga naapektohan niining krisis tungod sa COVID-19.
Mga empleyado sa buhatan ni Mayor Remollo ang niapod-apod usab sa ayudang bugas ngadto sa mga kwalipikadong lupyo sa Barangay BANILAD ubos ni Kapitan Pacencio Maquiling karung adlawa (Miyerkules).
Subling gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas sa moabot pa nga mga adlaw.