Karung adlawa niabot ang dugang dies mil (10, 000) ka bakuna sa COVID-19 nga gipadala gikan sa kaulohan og gidawat ni City Health Officer Dr. Maria Sarah B. Talla dinha sa airport.
Subling nagpasalamat si Mayor Ipe Remollo sa nasudnong kagamhanan ug sa Department of Health tungod sa padayon nga pagpadala ug suplay sa bakuna sa COVID-19 para sa mga residente sa siyudad sa Dumaguete.
Nanawagan si Mayor Remollo uban nila Bise-Mayor Karissa Tolentino-Maxino, Konsehal Lilani Ramon, Nelson Patrimonio og Liga ng mga Barangay President Dionie Amores sa mga residente sa Dumaguete City nga magparehistro ug magpabakuna kontra COVID-19.
Dul-an 32, 000 na ka residente sa siyudad sa Dumaguete ang nabakunahan na sa COVID-19 nga gipahigayon sa Robinson Mall ug sa Pulantubig Gymnasium kada adlaw.