Ang mga kwalipikadong residente sa Barangay CADAWINONAN ang takdang modawat sa tag 10 kilos nga ayudang bugas gikan sa kagamhanang siyudad ugmang adlawa dinha Purok Narra Gym.
Mga tinugyanan sa buhatan ni Mayor Ipe Remollo ang mangulo sa pagpang apod-apod sa tag 10 kilos nga bugas kada panimalay uban sa mga opisyales sa barangay gipangulohan ni Kapitan Jimmy Tabada isip ayuda karun panahon sa pandemya sa COVID-19.
Niadtong Biernes mga residente sa POBLACION 2 ang nakadawat sa ayudang bugas nga dinha gi apod-apod sa ilang barangay hall.
Samtang kini ang talaan sa mga Barangay nga takda nga modawat sa ayudang bugas gikan sa siyudad karung semanaha:
POBLACION 7 – Martes
BANILAD – Miyerkules
POBLACION 6 – Huebes
POBLACION 3 – Biernes
Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas.