Mahimong mapriso ug pamultahon ang mga padayun nga molapas sa mga protocols batok COVID-19 bisan pa sa kanunay nga pahimangno tungod kay ilang gibutang sa peligro dili lang ang ilang kaugalingon apan apil na ang panglawas sa ilang mga pamilya.
Mga Health Marshals pinangulohan ni City Executive Assistant for Security Concerns retired General Rey Lyndon Lawas andam nga mosikop sa mga kanunay nga gatapok sama sa mga gadula ug mga contact sports (basketball, volleyball, football ug Frisbee), mga senior citizens ug menor de edad nga galaroy laroy gawas sa ilang kabalayan, mga gainum sa pampubliko nga lugar og mga wala pagsul-ob og face masks.
Ang makalapas sa lagda nga pagsul-ob ug face masks makabayad ug multa nga P 3 mil o kaha pagkabilanggo ug 10 ka adlaw.
Gi-awhag ang mga concerned citizens nga mopadangat sa ilang sumbong ngadto sa mga opisyales sa Barangays kung adunay mga kalapasan sa protocols o kaha motawag sa EOC helplines Globe 0945 661 1978 ug Smart 0961 524 6296.