Mga tinugyanan sa DSWD Region-7 ug buhatan ni Mayor Ipe Remollo gisugdan na ug apod-apod karung adlawa ang tag P 15, 000 nga ayuda matag usa pinasubay sa Livelihood Assistance Grant gikan sa national government ngadto sa 400 ka mga kwalipikadong gagmay nga trabahador sa mga impormal nga sektor ug biktima sa kalamidad.
Matud ni Sectoral Desk Officer Albert Aquino kini ang ika-4 nga batch sa makadawat ug ayuda dinhe sa siyudad sa Dumaguete basi sa listahan gikan sa DSWD Region-7.
Lakip sa mga nakadawat mao ang mga ambulant vendors, massage therapists, mangoykoyan ug basura, mag-uuma, market vendors, miymebro sa 4Ps, biktima sa bagyo dinha sa Tinago (Poblacion 1) ug sunog sa Barangay Junob.
Gisiguro ni Dr. Dinno T. Depositario, Chief-of-Staff ni Mayor Ipe Remollo, nga hapsay ug luwas ang pagpanghatag sa ayuda dinha sulod sa City Hall compound para malikayan ang hulga sa COVID-19.