Mga health marshals pinangulohan ni City Executive Assistant for Security Concerns retired General Rey Lyndon Lawas nagpahigayon ug patrolya sa mga eskinita ug kabalayan para mapakgang ang mga tapok-tapok ug mapatuman ang protocols batok COVID-19.
Tungod kay ang siyudad sa Dumaguete gipaubos sa Modified Enhanced Community Quarantine (MECQ) kusganong gipatuman karun ang mga protocols alang sa katawhan lakip na ang kanunay nga pagamit ug face masks, pagdili sa panagtapok, inom ug mga contact sports sama sa basketball, volleyball ug football.
Gidili usab ang mga kabataan gapangidaron ug kinse (15) anyos pamaba ug mga 65-anyos pataas nga maglaroy-laroy sa gawas ilang mga panimalay.
Gi-awhag ang mga concerned citizens nga mopadangat sa ilang sumbong ngadto sa mga opisyales sa Barangays kung adunay mga kalapasan sa protocols o kaha motawag sa EOC helplines Globe 0945 661 1978 ug Smart 0961 524 6296.
Ang makalapas sa lagda nga pagsul-ob ug face masks makabayad ug multa nga P 3 mil o kaha pagkabilanggo ug 10 ka adlaw.
Ang mga Health Marshals gilangkoban kini sa mga tinugyanan sa City Health Office, City DRRMO, Philippine National Police, Traffic Management Office, Special Enforcement Unit, Department Trade Industry, City Social Welfare and Development Office, City Administrator’s Office and Bureau of Fire Protection.