Gisirad-an sukad niadtong lunes ang dalan atubangan sa Bagacay Cemetery paingon sa taytayan nga molabang sa Barangay Batinguel para hingpit na kini nga masemento sulod sa tulo (3) ka semana.
Kining kalihokan lakip sa gimbuhaton para mahuman na unya ang pagtukod sa taytayan nga magdugtong sa Barangay Batinguel og Bagacay labang sa suba sa Banica.
Ang proyekto usa lamang sa 2 ka dagko nga konkretong taytayan (Bagacay-Batinguel bridge ug Colon Bridge) nga gitukod sa administrayon ni Mayor Ipe Remollo diin gipondohan kini sa kagamhanang siyudad.
Matud ni Mayor Remollo kung mahuman na ang duha ka tulay masiguro na nga hapsay ug luwas na unya ang mga motorista nga molabang sa suba sa Banica bisan pa kung adunay baha o daot ang tiempo.
Gawas pa nga mas momenus ang trapiko, gipanglantaw usab nga mas luwas na unya ang mga panimalay ug kinabuhi sa mga lupyo daplin sa Banica tungod kay dili na dali molapaw ang tubig baha kay gipulihan naman ang mga kanhi tamborong ug 2 ka dagkong tulay busa dili na kini masampongan ug mga bato ug kahoy nga maoy hinungdan nga mabahaan ang mga kabalayan.