Gatosan pa ka mga nailhan nga close contacts sa mga kaso sa COVID-19 ang gipang swab nga libre sa duha ka managlahi nga lugar karung adlawa, Miyerkules.
Mga medical technologists sa City Health Office ug Integrated Provincial Health Office mao ang nagpahigayun sa halapad nga swab testing gikan niadtong lunes ug matapos sa sunod pang semanaha.
Matud ni Mayor Ipe Remollo kining massive swab testing sa mga close contacts, may sintomas man o wala, usa ka stratehiya para dali nga mailhan kinsa ang mga natakdan sa COVID-19 ug maisolate gilayon para amomahon sa mga health workers.
Gilauman nga mas madali nga mapakanaog ang mga kaso sa COVID-19 dinhe sa siyudad sa Dumaguete.
Niayuda usab ang Department of Health Regional Office 7 paghatag sa mga supply sa swab kits ug pag-eksamen sa mga ispesimen nga nakolekta atol sa massive swab testing sa ilang laboratoryo.