Hapit na maatopan ang dakong evacuation center alang sa mga lupyo sa siyudad sa Dumaguete dinha sa Barangay Talay nga puedeng temporaryo nga kapasilongan atol kung adunay katalagman sama sa baha o dakong sunog.
Matud ni Mayor Ipe Remollo kining gitukod nga dako nga evacuation center puede nga mapuy-an ug sobra usa ka gatos ka pamilya nga mobakwit panahon sa katalagman para sila maluwas sa kadaot.
Kining evacuation center mokostar ug P 36 million (gikan sa DPWH Region 7) aduna kini 106 ka mga cubicles, mga banyo, halapad nga kusina ug kalan-an, lawak para sa mga managtiayon, dulaanan sa mga bata, lawak para ampoan, mga buhatan, parking area ug Materials Recover Facility (MRF).
Paningkamotan sa kontraktor nga mahuman gilayon ang proyekto para magamit kini sa katawhan.