Mga kabumberohan sa siyudad malamposon nga napakgang ang pagkuyanap sa sunog dinha sa Malangsuba Barangay Bagacay. Dikit-dikit ang kabalayan sa nahimutangan sa sunog apan ubos pagpaningkamot sa City Bureau of Fire ug tinabangan sa katawhan napalong ang sunog karung hapon.
Nagpadala ug mga social workers si Mayor Ipe Remollo para mahibal-an kinsa ang mga apektadong kabalayan ug hatdan ug mga ayudang pagkaon karung adlawa ilabi na kadtong nawad-an ug mga panimalay.
Matud ni Mayor Remollo sugdan usab gilayun ug pagproseso ang ayudang pinansiyal sa mga biktima nga nawad-an ug panimalay.