Mga miyembro sa Komitiba sa transportasyon ug kahusay ug kalinaw nagtagbo niadtong Huebes para tukion ang ordinansahon nga limitahan lang sa ubos o dili molapaw sa 5 prangkisa kada operator o drayber aron kini ma apod-apod sa ubang mas nanihanglan ug prangkisa para sa panginabuhian.
Ang panagtigum gipangaluhon sa tserman sa komitiba nga si Liga ng mga Barangay President Dionie Amores, Konsehal Michael Bandal, Karissa Faye Tolentino-Maxino ug Edgar Lentorio Jr. lakip sa mitambong mao sila Executive Assistant for Security Affairs Retired General Rey Lyndon Lawas, Bise-Mayor Alan Cordova, City Legal Officer Manuel Arbon, Gilbert Ablong sa TMO ug mga pangulo sa hugpong sa mga drayber.
Gisugyot nga kutob nalang April 30, 2021 ang lugway nga ihatag para masurender ang prangkisa nga gihuptan nga sobra pa sa lima. Gibana bana nga adunay gatusan ka prangkisa nga gihuptan lang sa pipila lang ka operator/drayber ug mas maayo nga kining uban mahatag ngadto sa mga kabos nga drayber para usab mahasway ang ilang kahimtang kaysa himoon kining negosyo sa pipila lang ka operators.
Samtang gituki usab ang ordinansahon nga hatagan moratoryom para sa pagrenew sa mga gihuptan nga prangkisa ug ang paghatag ug legal assistance para sa mga sakop sa PNP samtang gabalay pa sa mga kasong kriminal.
Tanang nahisgotan sa panagtigom kini puedeng ireport ngadto sa kinatubuk-ang konseho dinha sa plenaryo para sa tukmang lakang.