Karong panahon sa pandemya kinahanglang doble ang atong pag-amping sa atong panglawas haron malayo kita sa mga sakit. Kami sa City Health Office nabalaka sa pagtaas sa kaso sa tipdas ug polio sa atong nasod.
Dili kita ganahan nga aduna pa’y laing epidemya nga muabot sa atong komunidad. Mas maglisod kita maayo kon magka-outbreak pod og tipdas ug polio sa atong siyudad sa panahon aning pandemya sa COVID-19.
Mao nga among giawhag ang tanang mga ginikanan ug mga gagalam og bata wala pa’y lima ka tuig paubos nga makighiusa sa supplemental immunization activity ug pabakunahan ang inyong mga anak panagang sa tipdas, rubella o dalap ug polio sugod karong Pebrero 1 hangtod 28, karong tuiga aron sa dugang proteksyon batok sa niining mga sakita.
Ang inyong mga health workers sama sa nurse, midwife ug barangay health workers, ug barangay officials magpahibalo sa inyoha tungod sa dugang pang kasayuran niining aktibadad.
Daghang Salamat!