Nagpasalamat ang mga lupyo dinha sa Purok Santan Barangay Taclobo human sila nakadawat sa sebisyong medikal sa mga health workers pinangulohan ni City Health Officer Ma. Sarah B. Talla nipahigayon sa regular nga medical mission batok dengue og COVID-19 kagahapong adlawa.
Kining house-to-house nga medical mission gipahigayon sa City Health Office isip pagsanong sa direktiba ni Mayor Ipe Remollo nga hatdan ang mga lupyo serbisyong medical, ma inspekyon ang kabalayan ug tudloan ang mga pamilya kung unsaon nga malikay sila sa dengue ug COVID-19.
Matud ni Dr. Talla kining kampanya batok dengue og COVID-19 kinihanglang adunay makanunayong pagpasabot ug pagpalapnag sa mga kasayuran ug gimbuhaton para luwas ang mga pamilya batok sa mga sakit.
Subling gitataw nga kanunay maghinlo ang mga lupyo sa ilang balay ug palibot para dili puy-an ug lamok; kanunay maghugas ug kamot ug mogamit ug face masks.
Dugang pa ni Dr. Talla ang house-to-house medical mission nagdala ug libreng tambal, bitamina, face masks ug konsultasyon para sa nanihanglan ilabi na kadtong adunay mga gihambin nga balatian o sakit nga wala namatyagan o gidala sa tambalanan.