Gihatdan karung adlawa sa mga tinugyanan sa buhatan ni Mayor Ipe Remollo ug ayudang bugas gikan sa kagamhanang siyudad ang mga panimalay dinha sa Barangay BATINGUEL uban sa mga opsiyales sa barangay pinangulohan ni Kapitan Frankie Credo.
Samtang karung Biernes, mga panimalay dinha sa Barangay BALUGO ang takdang modawat sa tag 25 kilos kada usa isip tabang gikan sa kagamhanang siyudad.
Matud ni Mayor Remollo kining ikaduhang hugna sa paghatag ug tag 25 kilos nga bugas ayuda taliwala sa hulga sa COVID-19.
Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.