Takdang hatdan sa mga tinugyanan sa buhatan ni Mayor Ipe Remollo sa ayudang bugas ang mga panimalay dinha sa Barangay BATINGUEL karung Miyerkules (January 20) ug Barangay BALUGO karung Biernes (January 22).
Niadtong Biernes mga residente sa Barangay TABUC-TUBIG ang gihatdan sa ayudang bugas nga tag 25 kilos kada panimalay sa mga empleyado sa kagamhanang siyudad ug mga opisyales sa barangay pinangulohan ni Kapitan Randy Fausto.
Matud ni Mayor Remollo kining ikaduhang hugna sa paghatag ug tag 25 kilos nga bugas gikan sa kagamhanang siyudad tabang karung panahon sa krisis tungod sa COVID-19.
Ang pagpasunod sa paghatag ug ayudang bugas gibasi kini kung kinsang barangay ang makasumiter na sa kompleto ug ensakto nga listahan sa mga panimalay nga kwalipikadong hatagan.