Takdang modawat sa ayudang bugas nga tag 25 kilos kada panimalay dinha sa BARANGAY TABUC-TUBIG ugmang adlawa Huebes nga ihatod sa mga tinugyanan sa buhatan ni Mayor Ipe Remollo og mga opisyales sa barangay.
Samtang gihatdan sa susamang ayudang bugas mga panimalay dinha sa BARANGAY MANGNAO ganinang adlawan.
Ang pagpasunod sa paghatag ug ayudang bugas gibasi kini kung kinsang barangay ang unang makasumiter na sa kompleto ug ensakto nga listahan sa mga panimalay nga kwalipikadong hatagan.
Busa gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas.