Ang mga residente sa Barangay Mangnao ang hatdan ugmang adlawa (Huebes) sa tag 25 kilos nga bugas kada panimalay gikan sa kagamhanang siyudad sa Dumaguete.
Matud ni Mayor Ipe Remollo kining ikaduhang hugna sa paghatag ug tag 25 kilos nga bugas gikan sa kagamhanang siyudad tabang karung panahon sa krisis tungod sa COVID-19.
Samtang mga tinugyanan sa buhatan ni Mayor Ipe Remollo ang nag apod-apod sa ayudang bugas para sa mga lupyo sa Barangay CAMANJAC ganinang adlawa (Miyerkules) uban sa mga opisyales sa barangay gipangulohan ni Kapitan Virgie Alcancia.
Gi-awhag ang mga residente sa nahibilin pang mga barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas.