Mga panimalay dinha sa Barangay BANTAYAN ang takda nga modawat sa tag 25 kilos nga bugas kada panimalay ugmang adlawa, Biernes.
Samtang gihatod sa mga tinguyanan sa buhatan ni Mayor Ipe Remollo ug opisyales sa barangay pinanguluhan ni Kapitan Maximiano Umbac ang susamang ayudang bugas kada panimalay dinha sa Barangay Junob tibook adlaw ganina.
Matud ni Mayor Ipe Remollo kining ikaduhang hugna sa paghatag ug tag 25 kilos nga bugas gikan sa kagamhanang siyudad tabang karung panahon sa krisis tungod sa COVID-19.
Ang pagpasunod sa paghatag ug ayudang bugas gibasi kini kung kinsang barangay ang unang makasumiter na sa kompleto ug ensakto nga listahan sa mga panimalay nga kwalipikadong hatagan.
Busa gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas.