Takdang modawat sa ayudang bugas nga tag 25 kilos kada panimalay dinha sa BARANGAY JUNOB ugmang adlawa Huebes.
Samtang gihatod sa mga tinguyanan sa buhatan ni Mayor Ipe Remollo ug opisyales sa barangay pinanguluhan ni Kapitan Maelyne Mariano ang susamang ayudang bugas kada panimalay dinha sa POBLACION 8 ganinang adlawan.
Ang pagpasunod sa paghatag ug ayudang bugas gibasi kini kung kinsang barangay ang unang makasumiter na sa kompleto ug ensakto nga listahan sa mga panimalay nga kwalipikadong hatagan.
Busa gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas.