Magpadayun ang paghataganay sa ayudang bugas ngadto sa 9 ka barangay human nga ang ilang mga opisyales nakasumiter na sa kompletong listahan sa mga panimalay nga makadawat sa tag 25 kilos nga bugas sugod ugmang adlawa.
Matud ni Mayor Ipe Remollo kining ikaduhang hugna sa paghatag ug tag 25 kilos nga bugas gikan sa kagamhanang siyudad tabang karung panahon sa krisis tungod sa COVID-19.
Mao kini ang takdang adlaw para sa 9 ka barangay:
January 6 (Miyerkules) – Poblacion 8
January 7 (Huebes) – Junob
January 8 (Biernes) – Bantayan
January 11 (Lunes) – Calindagan
January 12 (Martes) – Piapi
January 13 (Miyerkules) – Camanjac
January 14 (Huebes) – Mangnao
January 15 (Biernes) – Tabuc-Tubig
January 16 (Sabado) – Bagacay
Mga tinugyanan sa buhatan ni Mayor Remollo ug opisyales sa barangay ang mohatod sa ayudang bugas kada balay nga gipasunod basi kung unsang barangay ang unang makasumiter sa kompleto ug ensakto nga listahan sa mga panimalay nga kwalipikadong hatagan.