Gihatod sa mga tinguyanan sa buhatan ni Mayor Ipe Remollo ug opisyales sa barangay ang tag 25 kilos nga ayudang bugas kada panimalay dinha sa Barangay TALAY ug POBLACION 3 ganinang buntag.
Matud ni Mayor Ipe Remollo kining hinabang gikan sa kagamhanang siyudad para sa katawhan tungod sa krisis sa COVID-19.
Samtang takdang modawat sa ayudang bugas ang mga kwalipikadong residente sa POBLACION 6 ug BARANGAY CANTIL-E ugmang adlawa Biernes.
Ang pagpasunod sa paghatag ug ayudang bugas gibasi kini kung kinsang barangay ang makasumiter na sa kompleto ug ensakto nga listahan sa mga panimalay nga kwalipikadong hatagan.
Busa gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas.