Turno na usab sa mga lupyo dinha sa Barangay BAJUMPANDAN nga hatdan sa ayudang bugas nga tag 25 kilos matag panimalay gikan sa kagamhanang siyudad ugmang adlawa Martes.
Mga tinugyanan sa buhatan ni Mayor Ipe Remollo ang makig-alayon sa mga opisyales sa Barangay Bajumpandan para hapsay ang pag apod-apod ayudang bugas nga ihatod sa mga balay-balay.
Samtang mga lupyo sa Barangay BANILAD ang nakadawat na sa susamang ayuda ganinang adlawa.
Matud ni Mayor Ipe Remollo kining hinabang gikan sa kagamhanang siyudad para sa katawhan samtang gapadayun ang hulga sa COVID-19.
Ang pagpasunod sa paghatag ug ayudang bugas gibasi kini kung kinsang barangay ang makasumiter na sa kompleto ug ensakto nga listahan sa mga panimalay nga kwalipikadong hatagan.
Busa gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas.