Mga tinugyanan sa buhatan ni Mayor Ipe Remollo makig-alayon sa mga opisyales sa pito ka barangay para iapod-apod ang ayudang bugas nga tag 25 kilos kada panimalay sa mosunod nga mga adlaw.
Mao kini ang takdang adlaw para sa sunod nga pito ka barangay:
Huebes – POBLACION 3 UG BARANGAY TALAY
Biernes – BARANGAY CANTIL-E UG POBLACION 6
Lunes – BARANGAY BANILAD
Martes – BARANGAY BAJUMPANDAN
Miyerkules – BARANGAY CANDAU-AY
Niadtong Lunes mga residente sa BARANGAY MOTONG ang gihatdan sa ayudang bugas gikan sa kagamhanang siyudad.
Matud ni Mayor Remollo kining ikaduhang hugna sa paghatag ug tag 25 kilos nga bugas gikan sa kagamhanang siyudad tabang karung panahon sa krisis tungod sa COVID-19.
Ang pagpasunod sa paghatag ug ayudang bugas gibasi kini kung kinsang barangay ang makasumiter na sa kompleto ug ensakto nga listahan sa mga panimalay nga kwalipikadong hatagan.
Busa gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas.