Dako na ug agi ang trabaho sa gitukod karun nga bag-ong Barangay Hall sa Tabuc-tubig nga usa sa mga prayoridad nga proyekto ni Mayor Ipe Remollo diin dugay ng gipangandoy sa mga opisyales ug lupyo ning barangay.
Gani gigamit na ang ground floor isip buhatan ni Kapitan Randy Fausto ug sa Sanggunian Barangay. Padayun ang trabaho sa ikaduhang andana sa Barangay Hall.
Dul-an P 4 milyones ang gitagana nga pondo sa proyekto para mahatagan ug ensaktong pasilidad ang Barangay Tabuc-tubig ug mapalambo ang panerbisyo sa mga opisyales para sa ilang mga ginsakpan.
Dako ang pasalamat nila Kapitan Fausto ug mga taga Tabuc-tubig tungod kay nahatagan na ug katumanan sa kagamhanang siyudad ang panihanglanon nga mabalhin ug matukod ang bag-ong edipisyo kay ang ilang karaang nga barangay hall kini maigo man sa bridge og road widening.