Ang mga residente sa Barangay Buñao ug Poblacion 7 ang gihatdan karung adlawa sa tag 25 kilos nga bugas kada panimalay gikan sa kagamhanang siyudad sa Dumaguete.
Mga tinugyanan sa buhatan ni Mayor Ipe Remollo ang nangunay sa pagpang apod-apod sa ayudang bugas uban sa mga opisyales sa Barangay Buñao ug Poblacion 7 gipangulohan nila Kapitan Jimmy Tabada ug Kapitan Reynaldo Caballes.
Samtang mga residente sa Barangay Pulantubig ang takdang hatdan ug modawat sa ayudang bugas kada panimalay ugmang adlawa Biernes.
Matud ni Mayor Remollo kining ikaduhang hugna sa paghatag ug tag 25 kilos nga bugas gikan sa kagamhanang siyudad tabang karung panahon sa krisis tungod sa COVID-19.
Gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas.