Gihatdan karung adlawa sa mga tinugyanan sa buhatan ni Mayor Ipe Remollo ug ayudang bugas gikan sa kagamhanang siyudad ang mga panimalay dinha sa Barangay CADAWINONAN uban sa mga opsiyales sa barangay pinangulohan ni Kapitan Jimmy Tabada.
Samtang ugma, adlaw nga Miyerkules, mga residente na usab sa POBLACION 1 (TINAGO) ang takdang modawat sa tag 25 kilos nga ayudang bugas kada panimalay isip tabang sa kagamhanang siyudad.
Tulo pa ka barangay ang nakatakda nga hatdan sa ayudang bugas niining mga adlawa:
Huebes – POBLACION 7 UG BUÑAO
Biernes – PULANTUBIG
Matud ni Mayor Remollo kining ikaduhang hugna sa paghatag ug tag 25 kilos nga bugas gikan sa kagamhanang siyudad tabang karung panahon sa krisis tungod sa COVID-19.
Ang pagpasunod sa paghatag ug ayudang bugas gibasi kini kung kinsang barangay ang makasumiter na sa kompleto ug ensakto nga listahan sa mga panimalay nga kwalipikadong hatagan.
Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.