Ang mga residente sa Barangay Looc ang gihatdan sa tag 25 kilos nga bugas kada panimalay gikan sa kagamhanang siyudad sa Dumaguete pinangulohan ni Mayor Ipe Remollo isip ayuda karung panahon sa krisis tungod sa COVID-19.
Mga tinugyanan sa buhatan ni Mayor Remollo ang nangulo sa pagpang apod-apod sa ayudang bugas uban sa mga opisyales sa barangay gipangulohan ni Kapitan Angelita Ragay.
Samtang kini ang talaan sa mga Barangay nga takda nga modawat sa ayudang bugas gikan sa siyudad:
Martes – CADAWINONAN
Miyerkules – POBLACION 2
Huebes – POBLACION 7 UG BUÑAO
Biernes – PULANTUBIG
Matud ni Mayor Remollo kining ikaduhang hugna sa paghatag ug tag 25 kilos nga bugas gikan sa kagamhanang siyudad tabang karung panahon sa krisis tungod sa COVID-19.
Ang pagpasunod sa paghatag ug ayudang bugas gibasi kini kung kinsang barangay ang makasumiter na sa kompleto ug ensakto nga listahan sa mga panimalay nga kwalipikadong hatagan.
Busa gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas.