Takdang hatdan sa mga tinugyanan sa buhatan ni Mayor Ipe Remollo sa ayudang bugas ang mga kwalipikadong residente sa lima ka barangay sunod semana.
Niadtong Biernes mga residente sa POBLACION 2 ang gihatdan sa ayudang bugas nga tag 25 kilos kada panimalay. Ang mga opsiyales sa Poblacion 2 ubos ni Kapitan Pedro Zuniega ang nitabang sa mga empleyado sa buhatan ni Mayor Remollo pag-apod-apod sa ayudng bugas.
Mao kini ang takdang adlaw para sa sunod nga lima ka barangay:
Lunes – BARANGAY LOOC
Martes – BARANGAY CADAWINONAN
Miyerkules – POBLACION 1
Huebes- POBLACION 7
Biernes – BARANGAY PULANTUBIG
Matud ni Mayor Remollo kining ikaduhang hugna sa paghatag ug tag 25 kilos nga bugas gikan sa kagamhanang siyudad tabang karung panahon sa krisis tungod sa COVID-19.
Ang pagpasunod sa paghatag ug ayudang bugas gibasi kini kung kinsang barangay ang makasumiter na sa kompleto ug ensakto nga listahan sa mga panimalay nga kwalipikadong hatagan.
Busa gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas.