Subling gipahinumduman sa buhatan ni Mayor Ipe Remollo ang mga opisyales sa barangay og katawhan sa mga patakaran alang sa hapsay nga pag apod-apod sa bugas gikan sa kagamhanang siyudad sa Dumaguete isip ayuda panahon niining krisis tungod sa COVID-19.
1.Kada balay makadawat sa tag 25 kilos nga bugas
2.Bisan dili botante sa Dumaguete basta adunay balay ug aktwal nga gapuyo sa siyudad apil sa hatagan
3.Ang mga opisyales sa barangay kinihanglan mosumiter sa listahan sa mga residente nga kwalipikadong makadawat lakip na ang mga kopya sa IDs (voter’s, driver’s license, senior citizen o bisan unsa nga government issued ID)
4.Ang unang barangay nga makasumiter sa kompleto nga listahan mao ang unang matagaan ug petsa sa pagpanghatag sa ayudang bugas
5.Mga tinugyanan sa buhatan ni Mayor Remollo ug opisyales sa barangay ang mohatod sa ayudang bugas kada balay
Busa gihangyo ni Mayor Remollo ang katawhan nga maghulat lang sa pahibalo kung kanus-a ang turno sa ilang barangay para hapsay ug luwas ang pagpanghatag sa bugas taliwala sa hulga sa COVID-19.
Kini ang ikaduhang hugna sa pagpanghatag ug tag 25 kilos nga bugas gawas pa sa naunang 2 ka higayon nga tag 5 kilos nga bugas gikan sa kagamhanang siyudad pinaagi sa mga barangay.