Mga tinugyanan sa DSWD Region-7 ug buhatan ni Mayor Felipe Antonio Remollo niapod-apod sa tag P 7, 000 kada usa isip ayuda ubos sa Livelihood Assistance Grant gikan sa national government ngadto sa mga kwalipikadong gagmay nga trabahador sa mga impormal nga sektor.
Ang pagpanghatag sa ayuda kini gipahigayun ganihang buntag dinha atubangan sa City Treasurer’s Office diin gisunod ang tanang pamaagi para luwas ang tanan sa posibleng impeksyon sa COVID-19.
Adunay 570 ka mga kwalipikadong trabahante sa impormal sektor ang giaprobahan sa DSWD Region 7 nga tagaan ug ayuda apil ang mga gagmay nga stall holders sa merkado publiko, mga mag-uuma, masahista apil na ang mga blind masseurs, mga tempura vendors ug mga miyembro sa 4Ps.