Mga tinugyanan sa City Health Office gipangulohan ni Dr. Sarah B. Talla nipahigayon ug laing house-to-house medikal mission og active case finding sa Barangay Candau-ay niadtong adlaw nga Sabado.
Kining kalihukan pinasubay sa programang panglawas ni Mayor Ipe Remollo alang sa mga lupyo sa kabarangayan para mahatdan ug serbisyong medikal isip pagbatok ug proteksyon sa mga laing-laing sakit sama sa dengue ug COVID-19.
Sama sa naandan, nagpahigayon og check-up, nanghatag og mga bitamina, tambal ug face masks ang mga health workers sa siyudad.
Dugang kini nga serbisyong medikal alang sa mga katawhan gawas nga puede usab sila nga modangop sa City Health Office ug City Mayor’s Office para sa ayudang pinansiyal, dialysis, laboratory ug mga tambal.