Mga 2, 455 ka mga kwalipikadong senior citizens ang takdang modawat sa social pension nga tag P 3, 000 kada usa karung HUEBES og BIERNES dinha atubangan sa City Treasurer’s Office.
Mga empleyado sa buhatan ni Mayor Ipe Remollo ug OSCA nakig-alayon na sa mga opisyales lakip mga SKs sa 30 ka Barangays para hakoton sa mga bus ang mga benepisyaryo ngadto sa Burgos Street pareho niadtong pamaagi sa SAP.
Kinihanglan nga hulaton lang ang tukmang pahibalo gikan sa barangay ug CSWD kung kinsa nga senior citizens ang nalakip sa listahan ug kanus-a ang adlaw ug takna sa pag apod-apod sa social pension para sa 3rd Quarter (Oktubre hangtod Disyembre).
UNANG ADLAW (OKTUBRE 29)
Bagacay, Pulantubig, Balugo, Cadawinonan, Candau-ay, Piapi, Motong, Calindagan, Poblacion 2, Talay, Poblacion 7, Looc, Batinguel, Poblacion 3, 4, 5 and 6
IKADUHANG ADLAW (OKTUBRE 30)
Bajumpandan, Bantayan, Banilad, Camanjac, Daro, Mangnao, Poblacion 8, Tabuc-tubig, Junob, Poblacion 1, Buñao, Taclobo
Ang mga benepisyaryo gipili sa DSWD Region 7 sama sa senior citizens nga gaedad 60-pataas, walay pension, walay suporta sa pamilya, mga kabos labi na bed ridden ug adunay medikal nga panihanglanon.
Gipahimangnoan ang mga benepisyaryo nga magdala ug photocopy sa ID nga adunay pirma ug kanunay magsuot ug face mask.